ATM Se Paisa Kat Gaya Lekin cash Nahi Nikla? Aur ATM Machin Par Payment Failed Bata Raha Hai Lekin Paisa Katne Ka Message Mobile Par Aaya Hai
Agar aapke saath bhi is tarah ka koi problem hua hai ya hoga to tension mat le, yeh koi panic ki baat nahi hai. Yeh ek common problem hota hai jo zyada tar case mein paisa automatically refund ho jata hai.
Aaj is guide mein hum simple language mein samjhenge ki kya reason hote hain, paisa kab aata hai, complaint kaise kare – sab kuch.
31 March 2026 yani Financial year ka last day ko bank close rahega ya open janne ke liyea guide ko dekhe
🔗 31 March Bank Open Ya Closed? Mahavir Jayanti Par RBI
Table of Contents
ATM Se Paisa Kat Gaya lekin Cash Nahi Nikla – Kya Hai Main Reason?
Dekho mujhe lagta hai ki hame sabse pehle reason jaanna chahiye ki aakhir paisa kyun kata, kya reason hai taki hum phir kabhi same galti ko na karein. Niche maine aapko kuch possible reason bataye hain:
1️⃣ Network Failure / Server Error
Yeh ek sabse common reason mein se ek hai. Kabhi-kabhi kya hota hai ki jab aap ATM ya mobile se paise transfer ya withdrawal kar rahe hote ho to transaction ke beech mein hi network connection ya server weak ho jata hai. Jisse bank paisa hold kar leta hai aur problem hone ke karan ATM cash nahi de pata hai.
2️⃣ ATM Machine Mein Cash Jam Hone Se
Yeh ek rare reason hai. Kabhi kya hota hai ki kuch notes fold ho jate hain jisse notes proper move nahi ho pata hai aur cash jam jata hai. Lekin machine transaction systematic tarike se process complete to karta hai lekin machine mein problem hone se amount debit ho jata hai. Is issue ko technical fault mana jata hai aur paisa refund ho jata hai.
3️⃣ ATM Mein Cash Khatam Ho Jana
Aap ATM machine mein cash hai ya nahi check nahi karte ho aur system update late hota hai lekin aap withdrawal processing karte ho jisse bank amount ko hold kar leta hai. Aapka paisa kat jata hai.
4️⃣ Transaction Timeout / Slow Processing
Agar aapke transaction processing ke beech mein bank ka network slow ya transaction timeout ho to ATM machine aapko Transaction Failed show karta hai lekin background mein processing chalu rehne se bank amount ko kat leta hai. Yeh issue delay system mein aata hai. Usually paisa auto refund ho jata hai.
5️⃣ Power Failure / Machine Band Ho Jana
Kabhi yeh bhi ho sakta hai ki aap ATM use kar rahe ho aur kisi karan se ATM machine band ho jata hai jisse aapka transaction beech mein hota hai aur bank amount ko debit kar leta hai lekin machine band hone ke karan cash nahi de pata hai.
6️⃣ Switch / Network Gateway Error
ATM machine ka transaction bank aur card network par hota hai. Agar transaction ke beech mein network badalne se network switch error aata hai aur amount debit ho jata hai par cash dispense nahi hota. Yeh technical communication error hota hai.
7️⃣ Double Withdrawal Try Karna
Kabhi-kabhi log kya karte hain ki jaldi ke chakkar mein pehle withdrawal ko incomplete chhod ke same time mein double withdrawal karne ki koshish karte hain jisse amount hold ho jata hai aur use ko paisa kat jane ka confusion hota hai. Baad mein paisa reverse ho jata hai.
8️⃣ Bank System Processing Delay
Kabhi-kabhi kya hota hai ki bank system sahi se work nahi kar raha hota hai ya maintenance mein hota hai jisse aap andekha karke transaction karte ho aur aapka paisa debit ho jata hai. Phir system verification karne ke baad aapka paisa return kar deta hai.
9️⃣ Wrong Information
Jaldi ya kisi details ko bhulne se aap apna details wrong fill kar dete ho jisse aapka transaction failed hota hai lekin paisa kat jata hai.
Refund Kab Milega? (RBI Rule)
Bank ke sabhi rules aur terms RBI ke according chalte hain. Agar ATM se paisa kat gaya lekin cash nahi mila ho to RBI rules ke according bank ko 5 working days ke andar paisa refund karna hota hai.
Zyada se zyada case mein paisa 2-5 working days mein automatically refund ho jata hai. Lekin agar phir bhi paisa refund nahi ho to RBI guidelines ke mutabik bank ko customer ko ₹100 per day penalty deni pad sakti hai, jab tak paisa wapas na ho jaye.
Paisa Katne Ke Baad Turant Kya Kare?
Sabse pehle yeh ek koi panic hone wali problem nahi hai. Iske solution possible hain. Paisa katne ke turant baad yeh 4 step follow karein – isse maximum problem solve ho sakta hai:
1. SMS / Receipt Save Rakho
Agar aapka withdrawal complete nahi hota hai aur paisa kat jaye to aapna transaction SMS aur receipt ko delete nahi karein. Receipt nahi milne se mini transaction ya statement ka screenshot le lein kyuki agar aap baad mein complaint karte ho to yeh sab cheez as a proof ke roop mein use hoti hai. In sab details se hi bank transaction track karta hai.
2. Turant Bank Helpline Call Karo
Bina delay kiye turant bank ke helpline number se customer care ko call karein aur unhen batayein ki ATM se paisa kat gaya lekin cash nahi mila. Woh turant aapki complaint register karega aur transaction ko check karega.
3. Complaint / Reference Number Note Karo
Yeh bahut important hota hai. Jab bank aapki complaint register karti hai to aapko ek reference ya complaint number deti hai taki baad mein aap transaction status check kar sakte ho. Isliye yeh ek as a proof ka role karti hai.
4. Net Banking / Mobile App Se Complaint
Agar aap call karke complaint nahi karna chahte ho to extra safety ke liye aap mobile banking ya internet banking ke through complaint register kar sakte ho.
bank account ke sabhi services kaise band kare janne ke liyea is guide ka help le
🔗 bank account ke sabhi services kaise band kare
Refund Na Mile To Kya Kare?
Agar 5 working days ke baad paisa refund na ho to bank ke through diya gaya reference aur complaint number ko follow karke status check karein.
Agar phir bhi paisa refund na ho to apne branch visit karein aur written application complaint karein ya mobile banking ya internet banking ke through dobara complaint karein.
Agar 30 din baad bhi problem solve nahi ho to aap RBI Ombudsman portal par online complaint kar sakte hain, jahan aapki complaint free mein register hoti hai aur bank ko action lena padta hai.
Future Mein Is Problem Se Kaise Bache?
Agar aap future mein chahte ho ki koi problem na aaye to hamesha ATM receipt rakho, bank ke message ya email ko ignore na karein, har cheez ko manually check karein, network error aaye to dobara withdrawal mat karo, cash na nikle to turant bank ko inform karo, unknown / faulty ATM avoid karo, har problem ko ignore na karein.
Aam Aadmi Ke Liye Iska Matlab
Aam aadmi kisi bhi problem ko panic karne se aur bhi bada kar deta hai. Isliye yeh sab common problem hai jise aasani se kuch steps follow karke solve kiya ja sakta hai. Kisi bhi baat ke liye ghabrane ki zarurat nahi hoti, kyunki RBI rules customer ko protect karte hain.
Har condition mein paisa almost refund ho jata hai.
kya apko bank account ka KYC online aur offline kaise kare nahi pata hai to is blog ka help zarur le
🔗 bank account ka KYC kaise kare online ya offline
Conclusion 😁
Agar ATM se paisa kat jaye aur cash na mile to koi zyada panic aur tension lene wali baat nahi. Bank aapko har tarah ke services ke liye customer support provide karti hai. Koi problem aane par aap turant helpline number par call karke complaint kar sakte hain.
Yeh sab issue temporary hota hai. Bank aur RBI ke rules aapke protection ke liye hote hain. Bus aap complaint number save rakhein aur thoda wait karo – aapka problem jald se jald solve kar diya jayega.
Disclaimer
Yeh article sirf general information ke liye hai. Banking rules time-to-time change ho sakte hain. Exact details ke liye apne bank ya official RBI website check karein.
FAQ – ATM problem
Q1. ATM se paisa kat gaya to kya kare?
Ans: Bina kisi delay ke aap turant bank ke helpline par call karke complaint karo. Usually paisa 2–5 working days mein refund ho jayega.
2. Refund kitne din mein ho sakta hai?
Ans: According to RBI rules bank ko 5 working days mein paisa refund karna hota hai. Nahi to bank ko customer ko penalty dena pad sakta hai.
3. Paisa refund na hone par complaint kaise kare?
Ans: Aap bank ke helpline number par call karke complaint kar sakte hain ya bank visit karein.
4. Online complaint kaise kare?
Ans: Agar aap bank visit karne mein asafal ho to aap online banking ya internet banking ki help le sakte hain.
5. Kya sach mein refund milta hai?
Ans: Haan, agar aapka problem aur issue genuine ho to aapka paisa refund ho jayega.
latest Post 📯
- ATM Se Paisa Kat Gaya Lekin cash Nahi Nikla?
Showing your loveATM Se Paisa Kat Gaya Lekin cash Nahi Nikla? Aur ATM Machin Par Payment Failed Bata Raha Hai … - 31 March 2026 Bank Open Ya Closed?Showing your loveHar sal 31 March din aaate hi sabhi ke man mai ek hi confussion rahta hai kya bank …
- Budget 2026: Banking aur Tax mein badlavShowing your loveHar saal ki tarah is saal bhi February ka month budget festival ban jata hai. February ke aate …
- 1950 Se 2026 Tak: Indian Banking System Kitna Badal Gaya?Showing your loveJab 1950 mein India politically azaad ho chuka tha, tab banking system itna strong nahi tha. Zyada tar …
- IFSC Code Kya Hai? Full Detail Guide (A to Z) 2026
Showing your loveAaj ke time mein almost har ek Indian daily life mein IFSC code sunta hai aur bas itna …
